يا ترى ايه الل يخلى أي علاقة تنتهي او تستمر؟ العلاقات في حياتنا حاجة مهمة جدا، واغلبنا لما بيبدأ علاقة بيكون ناوى يستمر فيها مش ينتهي منها والا مكانش بدأها، وكتير مننا فاكرين ان الفلوس والسُلطة هما اللي ممكن يحققوا لينا الأمان والراحة والصحة النفسية، ويحافظوا كمان على نجاحنا وابداعنا وروحنا وعلاقتنا بالآخر.

لازم نعرف ان العلاقات نوعين اما مصدر للدعم والسعادة والحب، او مصدر ألم وتهديد وتعاسة، والنوعين ينطبقوا على شريك الحياة والشريك العاطفي، والأصدقاء، والاقارب، والاخوات.

والدراسات اللي اتعملت في اهم الجامعات العالمية اشارت ان الشرط الحقيقي للراحة والصحة النفسية والجسدية كمان ان العلاقة المساندة اللي في حياتنا تكون قائمة على الحب غير المشروط والقبول والاحترام والمبادئ الإنسانية.

وطبعا ده بيظهر ايجابيته في تواجد الاخر في أوقات الأزمات والمواقف المؤلمة.